Në një vilë periferike të kryeqytetit në natën e Krishtlindjes 2014 bien aksidentalisht në kurthin e policisë tre persona: një gazetar investigativ dhe dy të moshuar të çuditshëm rreth të shtatëdhjetave njëri ish-hetues i sigurimit të shtetit tjetri ish-operativ. Ç’kërkojnë këta personazhe të vila në fjalë natën e Krishtlindjes? Për ç’arsye ndodhen atje të pranishme edhe forcat e rendit që e mbajnë vilën nën vëzhgim prej kohësh? Protagonistët e librit vihen në lëvizje nga përhapja e një legjende. Sipas saj personalitete të larta të shtetit e pushtetit kanë marrë letra anonime kërcënuese. I saktë apo i rremë ky lajm ish-hetuesi dhe ish-operativi e kanë marrë me të vërtetë nga një letër të tillë me verdiktin e denimit të tyre me vdekje. Ku e ka burimin legjenda dhe kush të jetë autor i letrave? Një rrëfim i përkryer romanesk i Kongolit ku ndërthuren realja me irealen e djeshmja me të sotmen në një lojë ku shfaqen hije të së kaluarës në kërkim të kujtesës së humbur dhe jetëve të vjedhura. Por këto janë të pakthyeshme të pakompensueshme.
